ШУТИС-ийн Механик тээврийн сургуулийн Машин үйлдвэрлэлийн салбарын “Металлурги, Металлын технологи” хөтөлбөрийн 2023-2024 оны элсэлтийн В232350011 Нямдорж овогтой Төгсжаргал, B232350028 Мөнхчулуун овогтой Эгшиглэн, B232350007 Дэлгэрмөрөн овогтой Мянганбаяр, B232350012 Энхболд овогтой Мандуул, B232350034 Ганзориг овогтой Намуунзаяа гэсэн таван оюутантай 2023 оны 12 дугаар сарын 18 ний өдөр “Шинжидай металл” ХХКомпани нь өөрийн нэрэмжит тэтгэлэг гардуулж гэрээ хийлээ.

Оюутнуудтай тэтгэлгийн гэрээ хийх үйл ажиллагаанд МехТС-ийн захирал Н.Пүрэвдорж, сургалт чанарын албаны дарга М.Дэлгэрнасан, салбарын профессор, зөвлөх багш М.Дэлгэрмаа, “Шинжидай металл” ХХК-ийн харилцааны менежер Э.Эрдэнэцэцэг болон эцэг эхийн төлөөлөл, Металлурги, металлын технологи хөтөлбөрөөр суралцаж буй оюутнууд оролцлоо.

Мөн тус мэргэжлээр суралцаж буй оюутнууд нь нэг улирал суралцах хугацаандаа мэргэжлээ хэрхэн таньж мэдсэн талаар илтгэл хэлэлцүүллээ.

Шинжидай металл ХХК нь 2023-2024 оны хичээлийн жилд 3-р курсийн 3 оюутан, 4-р курсийн 4 оюутан, 1-р курсийн 5 оюутан нийт 12 оюутанд 100%-ийн тэтгэлэг олгож байна.

Салбарын боловсон хүчин бэлтгэх их үйлсэд өөрийн зүрх сэтгэлээр оролцож байгаа Болоржаргал захирал болон Шинжидай металл ХХК-н хамт олонд баярласан талархсанаа илэрхийлж байна.

Та бүхний цаашдын ажил үйлс, номын цагаан буян нь дэлгэрч байх болтугай.